O museo pequeno presenta FESTA, unha instalación de Laura Boor, artista autodidacta que levaba seis anos compaxinando un traballo a tempo completo con experimentar con diferentes materiais, viaxar, e aprender de persoas especiais coñecidas polo camiño.
FESTA é a súa primeira exposición dende que apostou pola arte a tempo completo, e un convite á celebración “sexa pola razón que sexa”: Un martes no que te sentes forte, un proxecto entregado ou que por fin chegaron os vencejos á Rúa Real. Unha boa noticia, ou no seu lugar, a ausencia dunha mala. Considera que todo iso que forma parte da normalidade e que entre tanto espectáculo pasamos por alto, é digno de celebrar.
Por iso dentro do museo máis pequeno da cidade agora está a festa máis grande. As súas paredes convertiranse nas máis alegres de toda A Coruña para acoller tres grandes debuxos fotorrealistas feitos con rotuladores e moitas horas e pezas de deseño creadas a partir de boias recuperadas do mar.
Boor
Laura Boor (Oza Cesuras, A Coruña) medrou rodeada de arte, explorando dende moi nova a música, a escritura e a pintura. A súa curiosidade polo entorno que a rodea e o interese no benestar das persoas levárona a estudar Educación Social, especializándose en Sostibilidade e Innovación Social. Artista autodidacta, o seu traballo fusiona a súa paixón pola creatividade co compromiso polo cambio social, empregando a arte como medio de reflexión e transformación.
Boor traballa con grandes follas de papel nas que fai debuxos fotorrealistas con rotuladores e liñas -cada obra ten semanas de traballo- e pezas de deseño creadas con boias e flotadores que se soltaron de diferentes artes de pesca, quedaron á deriv, e foron atopados en diferentes praias galegas.
